LD Clerk | Daily Malayalam Current Affairs | 20 Aug 2025

471

ഇന്ത്യയിലെ ആദ്യത്തെ സമ്പൂർണ്ണ ഇൻ്റർനെറ്റ് ഓഫ് തിംഗ്‌സ് (IoT) അധിഷ്ഠിത പഞ്ചായത്ത് ഏതാണ്❓
കാട്ടാക്കട (തിരുവനന്തപുരം ജില്ല)


📌 ഇന്റർനെറ്റുമായി ബന്ധിപ്പിച്ച സെൻസറുകളും ഉപകരണങ്ങളും ഉപയോഗിച്ച് വിവരങ്ങൾ ശേഖരിക്കുകയും കൈമാറുകയും ചെയ്യുന്ന സാങ്കേതികവിദ്യയാണ് ഇന്റർനെറ്റ് ഓഫ് തിംഗ്‌സ് (IoT).
📌 ഈ പദ്ധതി 'ഡിജിറ്റൽ ഇന്ത്യ' എന്ന ആശയത്തിൻ്റെ ഗ്രാമീണ തലത്തിലുള്ള മികച്ച മാതൃകയാണ്.
📌 കാർഷികം, ജല പരിപാലനം, മാലിന്യ നിർമാർജനം തുടങ്ങിയ മേഖലകളിൽ കാര്യക്ഷമത വർദ്ധിപ്പിക്കാൻ ഇത് സഹായിക്കുന്നു.

472

ആരുടെ ജന്മദിനമാണ് ഇന്ത്യയിൽ ദേശീയ സദ്ഭാവനാ ദിനമായി ആചരിക്കുന്നത്❓
മുൻ പ്രധാനമന്ത്രി രാജീവ് ഗാന്ധി


📌 എല്ലാ വർഷവും ഓഗസ്റ്റ് 20-നാണ് ഈ ദിനം ആചരിക്കുന്നത്.
📌 മതസൗഹാർദ്ദം, സമാധാനം, ദേശീയോദ്ഗ്രഥനം എന്നിവ പ്രോത്സാഹിപ്പിക്കുകയാണ് ദിനാചരണത്തിന്റെ ലക്ഷ്യം.
📌 വോട്ടവകാശ പ്രായം 21-ൽ നിന്ന് 18 ആക്കി കുറച്ചത് (61-ാം ഭരണഘടനാ ഭേദഗതി) രാജീവ് ഗാന്ധിയുടെ കാലത്താണ്.

473

ലോകത്തിലെ ആദ്യത്തെ ഹ്യൂമനോയിഡ് റോബോട്ട് ഗെയിംസിന് വേദിയായ നഗരം ഏതാണ്?
ബീജിംഗ് (ചൈന)


📌 മനുഷ്യന്റെ ശാരീരിക ഘടനയോട് സാമ്യമുള്ള റോബോട്ടുകളാണ് ഹ്യൂമനോയിഡ് റോബോട്ടുകൾ.
📌 ആർട്ടിഫിഷ്യൽ ഇൻ്റലിജൻസ് (AI), റോബോട്ടിക്‌സ് തുടങ്ങിയ മേഖലകളിലെ പുരോഗതിയുടെ പ്രതിഫലനമാണ് ഈ ഗെയിംസ്.
📌 ഈ ഇവന്റ് 'നാലാം വ്യാവസായിക വിപ്ലവ'ത്തിന്റെ (Industry 4.0) ഭാഗമായി കണക്കാക്കപ്പെടുന്നു.

474

കേന്ദ്ര സ്റ്റാറ്റിസ്റ്റിക്‌സ് മന്ത്രാലയത്തിൻ്റെ പീരിയോഡിക് ലേബർ ഫോഴ്‌സ് സർവേ (PLFS) പ്രകാരം, തൊഴിലില്ലായ്‌മ നിരക്കിൽ രാജ്യത്ത് മുൻപന്തിയിലുള്ള സംസ്ഥാനങ്ങളിലൊന്ന് ഏതാണ്?
കേരളം


📌 PLES സർവേ നടത്തുന്നത് നാഷണൽ സ്റ്റാറ്റിസ്റ്റിക്കൽ ഓഫീസ് (NSO) ആണ്.
📌 കേരളത്തിലെ ഉയർന്ന സാക്ഷരതയും വിദ്യാഭ്യാസ നിലവാരവും ഉയർന്ന തൊഴിലില്ലായ്മയും ചേർന്ന ഈ അവസ്ഥയെ "കേരള പാരഡോക്സ്" എന്ന് വിശേഷിപ്പിക്കാറുണ്ട്.
📌 "വിദ്യാസമ്പന്നരുടെ തൊഴിലില്ലായ്‌മ" ആണ് കേരളം നേരിടുന്ന പ്രധാന വെല്ലുവിളി.

475

2025-ലെ മിസ് യൂണിവേഴ്‌സ് ഇന്ത്യ കിരീടം നേടിയത് ആരാണ്?
മണികാ വിശ്വകർമ


📌 ഇവർ രാജസ്ഥാനിലെ ശ്രീ ഗംഗാനഗർ സ്വദേശിയാണ്.
📌 തായ്ലൻഡിൽ നടക്കുന്ന 74-ാമത് മിസ് യൂണിവേഴ്‌സ് മത്സരത്തിൽ ഇവർ ഇന്ത്യയെ പ്രതിനിധീകരിക്കും.
📌 ഇതിനുമുമ്പ് ഇന്ത്യയിൽ നിന്ന് മിസ് യൂണിവേഴ്‌സ് കിരീടം നേടിയവർ: സുസ്‌മിത സെൻ (1994), ലാറ ദത്ത (2000), ഹർനാസ് സന്ധു (2021).

476

യുവജനങ്ങൾക്ക് പുതിയ തൊഴിലവസരങ്ങൾ സൃഷ്ടിക്കുന്നതിനായി കേന്ദ്ര സർക്കാർ ആരംഭിച്ച പുതിയ പദ്ധതിയുടെ പേരെന്താണ്?
പ്രധാൻ മന്ത്രി വികസിത് ഭാരത് റോജ്‌ഗർ യോജന (PM-VBRY).


📌 ബന്ധപ്പെട്ട മന്ത്രാലയം: കേന്ദ്ര തൊഴിൽ, ഉദ്യോഗ മന്ത്രാലയം (Ministry of Labour and Employment).
📌 ലക്ഷ്യം: അടുത്ത രണ്ട് വർഷത്തിനുള്ളിൽ 3.5 കോടി പുതിയ തൊഴിലവസരങ്ങൾ സൃഷ്ടിക്കുക.
📌 ഈ പദ്ധതി, നിലവിലുണ്ടായിരുന്ന എംപ്ലോയ്മെൻ്റ് ലിങ്ക്‌ഡ് ഇൻസെൻ്റീവ് (ELI) സ്ക‌ീമിന് പകരമായാണ് വരുന്നത്.
📌 രാജ്യത്തെ "ഡെമോഗ്രാഫിക് ഡിവിഡൻഡ്" (Demographic Dividend) പ്രയോജനപ്പെടുത്താൻ ഈ പദ്ധതി ലക്ഷ്യമിടുന്നു.