Study Notes for Kerala PSC LD Clerk Exam on Volcanic Mountains

LD Clerk | Study Notes | Kerala PSC | Volcanic Mountains

അഗ്നിപർവ്വതങ്ങൾ 
  1. തുടർച്ചയായുള്ള ലാവാ പ്രവാഹങ്ങൾ ഒരു വിള്ളലിന് ചുറ്റുമായോ ഒരു കേന്ദ്ര ദ്വാരം നിമിത്തമോ ഒരു വിടവിൽ കൂടിയോ മേൽപ്പോട്ട് ആവർത്തിച്ചു വന്നു ഘനീഭവിച്ചു ഉടലെടുക്കുന്ന പർവ്വതങ്ങളാണ് അഗ്നിപർവ്വതങ്ങൾ.
  2. മൗണ്ട് വെസൂവിയസ്, ഏറ്റന , സ്‌ട്രോംബോളി, കോട്ടോപാക്‌സി , ഫ്യുജിയാമ തുടങ്ങിയവ അഗ്നിപർവ്വതങ്ങൾക്ക്  ഉദാഹരണങ്ങളാണ്.
അഗ്നിപർവ്വത   വിശേഷങ്ങൾ 
  1. റോമൻ അഗ്നി ദേവനായ വാൾക്കന്ടെ പേരിൽ    നിന്നാണ്  വോൾക്കാനോ എന്ന പദം  ഉത്ഭവിച്ചത് എന്ന് കരുതപ്പെടുന്നു.
  2.  ഭൗമാന്തർ ഭാഗത്ത് അതീവ താപത്താൽ ഉരുകിത്തിളച്ച് കിടക്കുന്ന ശിലാദ്രവമാണ് മാഗ്മ.
  3. ഭൗമാന്തർ ഭാഗത്തു നിന്ന് ഈ മാഗ്മ പുറത്തേക്ക് പ്രവഹിക്കുന്ന ദ്വാരമാണ് വെൻഡ്‌ അഥവാ അഗ്നിപർവത ദ്വാരം എന്നറിയപ്പെടുന്നത്.
  4. അഗ്നി പർവ്വതത്തിന്ടെ ഉപരി ഭാഗത്തു ഫണലിന്റെ ആകൃതിയിൽ കാണപ്പെടുന്ന ഭാഗമാണ് അഗ്നി പർവത മുഖം 
  5. അഗ്നി പർവത സ്‌ഫോടനത്തിന്റെ ഫലമായി സൃഷ്ടിക്കപ്പെടുന്ന ആഴത്തിലുള്ള ഗർത്തമാണ്  ക്രേറ്റർ
  6. ഇത്തരം ഗർത്തങ്ങളിൽ ജലം നിറഞ്ഞു രൂപപ്പെടുന്ന തടാകങ്ങളെ ക്രേറ്റർ തടാകങ്ങളെന്ന് വിളിക്കുന്നു.
  7. വലിപ്പമേറിയ അഗ്നിപർവത മുഖങ്ങളെ കാൽഡെറകൾ എന്ന് വിളിക്കുന്നു.
  8. ജപ്പാനിലെ അസോ, ഇൻഡോനേഷ്യയിലെ ധനാവു ടോബ തുടങ്ങിയവ ലോകത്തിലെ വലിപ്പമേറിയ കാൽഡെറകൾക്ക് ഉദാഹരണങ്ങളാണ്.
  9. അഗ്നി പർവത സ്ഫോടനങ്ങളുടെ  ഫലമായി വരുന്ന ഉരുകിയ ശിലാദ്രാവകമാണ് ലാവ.
  10. ലാവ ഉറഞ്ഞു കൂടി ശിലകൾ രൂപപ്പെടുന്നു.ഈ ശിലകൾ  പൊടിഞ്ഞാണു കറുത്ത മണ്ണ് രൂപം കൊള്ളുന്നത് 
  11. ലാവ തണുത്തുറഞ്ഞു രൂപപ്പെടുന്ന പീഠഭൂമിയാണ് ലാവാ പീഠഭൂമിക്ക്   ഉദാഹരണം.
അഗ്നിപർവ്വതങ്ങളെ മൂന്നായി തരം തിരിക്കാം
  1. ആക്റ്റീവ് വോൾകാനോ സജീവ അഗ്നിപർവതം.
  2. ഡോർമെൻറ് വോൾകാനോ അഥവാ സുഷുപ്തിയിലാണ്ടവ 
  3. എക്സ്റ്റിങ് ട് വോൾകാനോ അഥവാ നിർജീവ അഗ്നിപർവതം.
  4. 10,000 വർഷത്തിനിടയിൽ  ഒരിക്കൽ എങ്കിലും സ്ഫോടനമുണ്ടാകുന്ന അഗ്നിപർവ്വതങ്ങളാണ് സജീവ അഗ്നിപർവതം.
  5. ചരിത്രാതീത കാലത്ത് പൊട്ടിത്തെറിച്ചതും ഇപ്പോൾ ശാന്തമായിരിക്കുന്നതുമായ അഗ്നിപർവ്വതങ്ങളാണ് സുഷുപ്തിയി ലാണ്ടവ ഇവ ഇനിയും പൊട്ടിത്തെറിക്കാനുള്ള  സാധ്യതയെങ്കിലും ഉള്ളവയാണ്.
  6. മാഗ്മയുടെ ഒഴുക്ക് പൂർണമായും നിലച്ചതും, ഇനി സ്‌ഫോടനത്തിനു സാധ്യത ഇല്ലാത്തതുമായ അഗ്നിപർവ്വതങ്ങളാണ് നിർജീവ  അഗ്നിപർവതങ്ങൾക്ക് ഉദാഹരണം.
  7. ഇറ്റലിയിലെ എറ്റ് ന , സ്‌ട്രോംബോളി, ഇക്വഡോറിലെ കോട്ടോപാക്സി ജപ്പാനിലെ ഫ്യുജിയാമ, ഹവായിലെ മൗന ലോവ തുടങ്ങിയവ സജീവ അഗ്നിപർവ്വതങ്ങൾക്ക് ഉദാഹരണമാണ്.
  8. ഇന്ത്യയിലെ ഏക സജീവ അഗ്നിപർവതമാണ് ആൻഡമാനിലെ ബാരൻ ദ്വീപ് 2017 ജനുവരി 23 നാണിത് അവസാനമായി തീതുപ്പിയത് 
  9. സജീവ അഗ്നിപർവ്വതങ്ങളുടെ കൂട്ടത്തിൽ വലിപ്പമേറിയവയിലൊന്നാണ് ഹവായ് ദ്വീപിലെ മൗന ലോവ 
  10. യൂറോപ്പിലെ ഏറ്റവും ഉയരം കൂടിയ സജീവ അഗ്നിപർവതമാണ് മൗണ്ട് എറ്റ് ന 
  11. ഇക്വഡോറിൽ സ്ഥിതി ചെയ്യുന്ന സജീവ അഗ്നിപർവതമാണ് കോട്ടോപാക്സി 
  12. സജീവ അഗ്നിപർവ്വതങ്ങളില്ലാത്ത വൻകരയാണ് ഓസ്‌ട്രേലിയ.
  13. ഹവായിലെ മൗന കിയ, ടാൻസാനിയയിലെ കിളിമഞ്ചാരോ എന്നിവ സുഷുപ്തിയിലാണ്ട അഗ്നിപർവ്വതങ്ങൾക്ക് ഉദാഹരണമാണ്.
  14. ജപ്പാനിലെ മൗണ്ട് ആഷിധക്ക, നെതർലണ്ടിലെ സുയിദ് വാൾ എന്നിവ  നിർജീവ അഗ്നിപർവ്വതങ്ങൾക്ക് ഉദാഹരണം.
  15. ഇന്ത്യയിലെ സുഷുപ്തിയിലാണ്ട അഗ്നിപർവതമാണ് നർക്കൊണ്ടം  ആൻഡമാൻ നിക്കോബാർ ദ്വീപ സമൂഹത്തിലെ ഒരു ദ്വീപാണ് ഇത് .
  16. അന്റാർട്ടിക്കയിലെ ഉയരം കൂടിയ അഗ്നിപർവതമാണ് മൗണ്ട് സിഡ്‌ലി സുഷുപ്തിയിലാണ്ട അഗ്നിപർവതമാണ് ഇത്.
  17. ഓജോസ് ഡെൽ സലാടോ അഗ്നിപർവതം സ്ഥിതി ചെയ്യുന്നത് ആൻഡീസ്‌ പർവത നിരയിൽ അർജന്റീന ചിലി അതിർത്തിയിലാണ്. ലോകത്തിലെ ഏറ്റവും ഉയരത്തിൽ സ്ഥിതി ചെയ്യുന്ന സജീവ അഗ്നിപർവതമാണിത് 
  18. മെഡിറ്ററേനിയൻടെ ദീപസ്തംഭം എന്നറിയപ്പെടുന്ന അഗ്നിപർവതമാണ് സ്‌ട്രോംബോളി.
  19. പസിഫിക്കിന്ടെ ദീപ സ്തംഭം എന്നറിയപ്പെടുന്ന അഗ്നിപർവതമാണ് മൗണ്ട് ഇസാൽകോ 
  20. 2010 ൽ അഗ്നിപർവത സ്ഫോടനം മൂലം യൂറോപ്പിൽ വ്യോമ ഗതാഗതം താറുമാറാക്കിയ ഐസ്‌ലന്റിലെ അഗ്നിപർവതമാണ് എയ്‌ജാഫ് ജല്ലാജോയ്കുൽ 
  21. ഉറങ്ങുന്ന സുന്ദരി എന്നറിയപ്പെടുന്ന അഗ്നിപർവതമാണ് ഇസ്റ്റാക്കി ഹുവാതൽ .മെക്സിക്കോയിലാണിത്.
  22.  അടുത്തിടെ പൊട്ടിത്തെറിച്ച സകുറജിമ അഗ്നിപർവതം, ജപ്പാനിലാണ് സ്ഥിതി ചെയ്യുന്നത്.
  23. മൗണ്ട് മെറാപ്പി, മൗണ്ട് സിനാബംഗ്‌ എന്നീ അഗ്നിപർവ്വതങ്ങൾ ഇന്തോനേഷ്യയിലാണ് സ്ഥിതി ചെയ്യുന്നത്.
  24. 2014 സെപ്റ്റംബറി ൽ പൊട്ടി തെറിച്ച മൗണ്ട് ഓൺ ടേക്ക് അഗ്നിപർവതം ജപ്പാനിലെ ഹോൺ ഷൂ ദ്വീപിലാണ് സ്ഥിതി ചെയ്യുന്നത്.
  25. കിസോ ഓൺ ടേക്ക് എന്നറിയപ്പെടുന്ന ഈ അഗ്നിപർവതം ജപ്പാനിലെ ഏറ്റവും ഉയരം കൂടിയ രണ്ടാമത്തെ അഗ്നിപർവതമാണ് .
റിങ് ഓഫ് ഫയർ 
  1. പസിഫിക് സമുദ്രത്തിനു ചുറ്റുമുള്ള  അസ്ഥിര മേഖലയിലാണ് ലോകത്തിൽ ഏറ്റവും അധികം അഗ്നിപർവ്വതങ്ങൾ കാണപ്പെടുന്നത് 
  2. റിങ് ഓഫ് ഫയർ എന്നാണ് ഈ പ്രദേശം അറിയപ്പെടുന്നത്.
  3. സർക്കം പസിഫിക് ബെൽറ്റ് എന്നും അറിയപ്പെടുന്ന ഈ മേഖലയിലാണ് ഏറ്റവും കൂടുതൽ ഭൂകമ്പങ്ങളും അഗ്നിപർവത സ്ഫോടനങ്ങളും ഉണ്ടാകുന്നത്.
മൗണ്ട് ഫ്യുജി 
  1. 2013 ൽ യുനെസ്‌കോയുടെ ലോക പൈതൃകപ്പട്ടികയിൽ ഇടം നേടിയ അഗ്നി പർവതമാണ് മൗണ്ട് ഫ്യുജി 
  2. ഫ്യുജിയാമ എന്നും ഇത് അറിയപ്പെടുന്നു.
  3. ജപ്പാനിലെ ഹോൺ ഷൂ ദ്വീപിലാണ് ഇത് സ്ഥിതി ചെയ്യുന്നത്.
  4. ജപ്പാനിലെ ഏറ്റവും ഉയരം കൂടിയ അഗ്നിപർവതമാണിത് 
മൗണ്ട് എറിബസ് 
  1. ലോകത്തിലെ ഏറ്റവും തെക്കു ഭാഗത്ത് സ്ഥിതി ചെയ്യുന്ന സജീവ അഗ്നിപർവതമാണ് മൗണ്ട് എറിബസ് 
  2. അന്റാർട്ടിക്കയിലെ ഏറ്റവും ഉയരം കൂടിയ രണ്ടാമത്തെ അഗ്നിപർവതമാണിത്.
  3. അന്റാർട്ടിക്കയിലെ സജീവ അഗ്നിപർവതമാണ് മൗണ്ട് എറിബസ്.


Study Notes for Kerala PSC LD Clerk Exam on Volcanic Mountains Study Notes for Kerala PSC LD Clerk Exam on Volcanic Mountains Reviewed by Santhosh Nair on April 21, 2020 Rating: 5

No comments:

Powered by Blogger.